ما هو داء الشريان التاجي، أعراضه و أسبابه؟

ما هو داء الشريان التاجي؟

الذبحة الصدرية هو مصطلح مستخدم لوصف الام الصدر إللي بتحصل بسبب ضعف ضخ الدم لعضلة القلب. و دي بتكون بسبب مرض الشريان التاجي. الذبحة الصدرية بتتوصف بكونها شبيهة لضغط أو تقل أو ألم في الصدر. و دي ممكن تكون عارض متكرر أو مفاجئ، الذبحة الصدرية كثير حدوثها، بس بيصعب تفريقها عن أسباب تانية لألام الصدر، زي عسر الهضم.

أعراض داء الشريان التاجي:

  1. ألام أو عدم إرتياح في منطقة الصدر.
  2. ألام في الذراع أو الرقبة، الفك، الأكتاف أو الظهر المصاحبة لألم الصدر.
  3. الغثيان.
  4. الإجهاد.
  5. ضيق في التنفس.
  6. العرق.
  7. الدوخة

قوة و مدة و نوع الألم ممكن يختلف. و عادة بتحصل مع المجهود و تتحسن مع الراحة. و من المهم إنك تكون عارف إذا كان ده ألم جديد ولا متغير. الألم المتجدد و المتغير ممكن يكون معناه وجود عارض أخطر و إللي هو الذبحة الصدرية الغير مستقرة أو أزمة قلبية.

صفات آلام الذبحة الصدرية:

  1. بيحصل مع زيادة المجهود على القلب.
  2. ممكن التنبؤ بيه لأنه شبيه لألام الصدر إللي حسيت بيها قبل كده.
  3. بيكون لوقت قصير، حوالي ٥ دقايق أو أقل.
  4. بينتهي قبل المدة دي لو إرتحت أو تناولت الدواء.

عند الستات، الأعراض ممكن تكون مختلفة. ممكن الست إللي بتعاني من الذبحة الصدرية تشتكي من الغثيان، ضيق تنفس، ألم في البطن، الإجهاد الشديد. أو ألام في الرقبة، الفك أو الظهر بدلاً من ألام الصدر.

أسباب داء الشريان التاجي:

الذبحة الصدرية سببها ضعف ضخ الدم للقلب إللي هو المصدر الوحيد للأوكسجين. و من أهم أسباب ضعف ضخ الدم للقلب هو مرض الشريان التاجي. ده بيحصل نتيجة تراكم الشوائب في الشرايين التاجية و ينتج عنه ضيق في الشرايين و بالتالي تقل كمية الدم للقلب. و ده معروف بتصلب الشرايين.

الذبحة الصدرية عادة بتحصل بسبب المجهود الجسدي. زي طلوع السلالم، التمارين الرياضية، و النشاط إللي بيستدعي ضخ كمية أكتر من الدم لعضلة القلب لكن ده بيكون صعب في حالة ضيق الشرايين التاجية.
لكن بخلاف المجهود الجسدي، في عوامل تانية مسببة للذبحة الصدرية. زي التوتر و الحرارة المنخفضة، الوجبات التقيلة، و التدخين.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق