أعراض و تشخيص النوع الأول من السكر, المضاعفات و العلاج

ماهو النوع الأول من السكر:

النوع الأول من السكر ،أو المعروف أحيانا بسكر الأطفال، بيحصل من سن صغير لما الجهاز المناعي يبتدي يهاجم خلايا البيتا في البنكرياس المسئولة عن إنتاج الإنسولين و بالتالي بيقل أو بينتهي مخزون الإنسولين في الجسم، و بناءً عليه مش بيحصل توظيف للجلوكوز في الخلايا و بيفضل الجلوكوز في الدم. و النوع ده بيصيب حوالي ٥٪ من كل المصابين بالسكر.

أعراض النوع الأول من السكر:

في بعض الأنواع، زي مرض ما قبل السكر و النوع التاني، ممكن مايكونش فيه أعراض. لكن في النوع الأول الأعراض بتكون قوية و بتبيان من بدري. و دي زي:

  1. العطش.
  2. التبول بصورة متكررة.
  3. الجوع الشديد.
  4. إنخفاض الوزن بدون مبرر.
  5. وجود أجسام كيتون في البول.
  6. التعب و الإجهاد.
  7. التوتر.
  8. زغللة في العين.
  9. قرح بتخف ببطئ
  10. الإلتهابات المستمرة.

و بعض الأعراض بتكون طارئة و تستدعي رعاية طبية زي:

  1. الرعشة و عدم التركيز.
  2. النهجان.
  3. ريحة فواكه في النفس.
  4. ألم في البطن.
  5. فقدان الوعي.

و رغم إن النوع الأول من السكر ممكن يحصل في أي سن، لكنه بيحصل أكتر في الطفولة و سن البلوغ.

تشخيص النوع الأول من السكر:

لو طبيبك شك في إصابتك بالنوع الأول من مرض السكر، هيطلب منك تحليل سكر في الدم، و ممكن يطلب تحليل بول.
التحليل
بيأكد مرض السكر لو الصائم لمدة ٨ ساعات أعلى من ١٢٦، بعد الأكل بساعتين و أعلى من ٢٠٠، أو عشوائي و أعلي من ٢٠٠.

علاج النوع الأول من السكر:

رغم إن مرض السكر مالوش علاج نهائي. لكن معظم المرضى بيعيشوا حياة طويلة و صحية. و ده عن طريق إبقاء نسبة السكر في دم في المستوى الطبيعي عن طريق حقن الإنسولين.

فيه أكتر من نوع للإنسولين ممكن يوصفهوملك طبيبك حسب حالتك:

  1. سريع المفعول:
    بيشتغل بعد ١٥ دقيقة و يوصل لقمة مفعوله بعد ساعة و يستمر لساعتين ل٤ ساعات.
  2. قصير المفعول:
    يبتدي المفعول بعد ٣٠ دقيقة. قمة مفعوله بعد ٢ ل٣ ساعات و يستمر ٣ل٦ ساعات.
  3. متوسط المفعول:
    مش بيبتدي مفعوله قبل ساعتين ل٤ ساعات. قمة مفعوله بعد ٤ل١٢ ساعة و يستمر ١٢ل١٨ ساعة.
  4. طويل المفعول:
    بيبتدي مفعوله بعد ساعات طويلة و بيستمر مفعوله ٢٤ ساعة.

مضاعفات النوع الأول من السكر:

مرض السكر بشكل عام ليه تأثير سلبي على كل أعضاء الجسم في حالة عدم علاجه زي:

  1. أمراض القلب إللي فرص الإصابة بيها بتزيد بنسبة كبيرة.
  2. ضمور بالأعصاب.
  3. ضمور بالكلى.
  4. ضمور بقاع العين.
  5. بطئ شفاء الجروح.
  6. العدوى الفطرية و الإلتهابات المستمرة بالجلد.
  7. ضعف بالسمع.

تغييرات في روتين حياتك:

بعض التغييرات البسيطة في حياتك هتساعدك في التحكم في مرض السكر عندك و تجنب المضاعفات.

  1. ممارسة الرياضة.
  2. ظبط النظام الغذائي.
  3. الإلتزام بالعلاج.
  4. الفحص الطبي سنوياً.
  5. التوقف عن التدخين.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق