تشخيص خمول الغدة الدرقية و العلاج

تشخيص مرض خمول الغدة الدرقية:

بالإضافة للأعراض طبيبك هيطلب يعمل إجراءات و تحاليل لتشخيص المرض زي الTSH, T4 ، نسب الT4 الأقل من الطبيعي عادة معناها خمول في الغدة. لكن بعض الناس ممكن يكون عندهم مستوى الTSH عالي، بينما نسبة الT4 طبيعية. ده بنسميه خمول الغدة الدرقية الإكلينيكي. و ده عادة بيكون بداية للمرض.

لو التحاليل دي كانت دون الطبيعي، ساعتها ممكن طبيبك يطلب عمل سونار على الرقبة و مسح للغدة الدرقية للتأكد من وجود عقيدات أو إلتهابات أو عدمه.

علاج مرض خمول الغدة الدرقية:

لو إتشخصت بمرض خمول الغدة الدرقية، طبيبك هايوصفلك هرمون ثايروكسن مصنع. و هتاخد الحباية كل يوم لتعويض الهرمون الأصلي، كمان هاتحتاج متابعة دورية عن طريق تحاليل دم لنسب الهرمون. و حسب نتائج المتابعة، طبيبك ممكن يحتاج يعدل الجرعة من وقت للتاني.

مضاعفات مرض خمول الغدة الدرقية:

لو مرض خمول الغدة الدرقية ماتعالجش، ممكن يتسبب في مضعفات كتيرة، منها:

  1. أمراض القلب.
  2. العقم.
  3. ألام المفاصل.
  4. السمنة.

الإصابة بمرض خمول الغدة الدرقية وقت الحمل ممكن يأثر على الجنين. في أول ٣ شهور من الحمل، الجنين بيعتمد على الأم بشكل تام للحصول على جرعته من هرمون الغدة. لو الأم مريضة بخمول الغدة، ده ممكن يتسبب في فشل في نمو المخ.

نسب هرمون الغدة المنخفضة جداً ممكن تتسبب في حالة تسمى الوذمة المخاطية، و دي أخطر مضاعفات المرض. المصاب بالوذمة المخاطية ممكن يحصله فقدان للوعي أو الإصابة بغيبوبه. كمان ممكن تتسبب في درجة حرارة منخفضة و تؤدي للوفاة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق