أسباب خمول الغدة الدرقية و الأعراض

ما هو مرض خمول الغدة الدرقية؟

مرض خمول الغدة الدرقية هو مرض منتشر و هو عبارة عن فقدان الغدة الدرقية لنشاطها الطبيعي و فشلها في إنتاج الكمية الكافية من هرمون الثايروكسن. الغدة الدرقية موجودة في الجزء الأمامي/السفلي من الرقبة. و الهرمونات المفرزة من الغدة بتنتقل عن طريق مجرى الدم لكل أنحاء الجسم من القلب للمخ، و العضلات و حتى الجلد.

الغدة الدرقية بتتحكم في كيفية إستخدام خلايا الجسم للطاقة المنتجة من الأكل، إللي هي العملية إللي بنسميها العملية الأيضية. و من ضمن حاجات كتير، العملية الأيضية مسئولة عن حرارة جسمك، ضربات قلبك، و قدرتك على حرق السعرات الحرارية. لو جسمك مافيهوش هرمون الثايروكسن بكمية كافية، وظائف جسمك بتكون أبطأ. ده معناه إن جسمك بينتج طاقة أقل، و العملية الأيضية بتكون ضعيفة.

أسباب خمول الغدة الدرقية:

السبب الأكتر شيوعاً لمرض خمول الغدة الدرقية هو إلتهاب الغدة و إللي معروف بإسم مرض هاشيموتو، مرض هاشيموتو هو مرض مناعي، بيتسبب في إن الأجسام المضادة تهاجم و تدمر خلايا الغدة الدرقية، إلتهاب الغدة الدرقية ممكن كمان يكون بسبب عدوى فيروسية.

بعض الأسباب التانية لخمول الغدة الدرقية:

  1. العلاج الإشعاعي على منطقة الرقبة.
  2. العلاج باليود المشع.
  3. بعض الأدوية المستخدمة في علاج أمراض القلب، و الأمراض النفسية و السرطان.
  4. إستئصال الغدة الدرقية جراحياً.
  5. نقص اليود في النظام الغذائي.
  6. الحمل.
  7. غدة غير مكتملة عند الولادة.
  8. مشاكل في الغدة النخامية.
  9. مشاكل في غدة تحت المهاد أو الهايبوثالامس.

و خمول الغدة الدرقية الرئيسي بيكون بسبب مشكلة في الغدة نفسها. بينما خمول الغدة الدرقية الثانوي بيكون بسبب مشكلة بعيدة عن الغدة لكن ليها تأثير على وظائفها.

مين الأكتر عرضه لمرض خمول الغدة الدرقية؟

الستات عادةً أكتر عرضة للمرض، بالذات الكبار في السن، أكتر من الرجالة. بالإضافة لو كان حد من قرايبك عنده مرض مناعي.

بعض الأسباب التانية، منها:

 

  1. العرق (البيض و الإسيويين أمتر عرضة)
  2. السن الكبير.
  3. لو شعرك شاب بدري.
  4. الأمراض المناعية زي مرض السكر من النوع الأول و التصلب المتعدد.
  5. مرض الإنفصام.
  6. مرض داون.
  7. مرض ترنر.

أعراض مرض خمول الغدة الدرقية:

أعراض مرض خمول الغدة الدرقية ممكن تكون ضعيفة أو مشابهة لأعراض أمراض تانية. و منها:

  1. عدم إنتظام في الدورة عند الستات.
  2.  الإمساك.
  3. الإكتئاب.
  4. الشعر الناشف و تساقط الشعر.
  5. البشرة الجافة.
  6. الإجهاد.
  7. الحساسية للبرد.
  8. ضربات قلب بطيئة.
  9. تضخم الغدة الدرقية.
  10. زيادة الوزن بدون سبب أو صعوبة في فقدان الوزن.

حدوث المرض في الأطفال ممكن يبقى مالوش أعراض. لكن لو ظهرت أعراض هتكون باشكل الأتي:

  1. إيدين و أقدام باردة.
  2. إمساك.
  3. الرغبة في النوم على طول.
  4. ضعف في النمو.
  5. ضعف في قوة العضلات.
  6. الصفرة.
  7. فقدان للشهية.
  8. وجه متورم.
  9. إنتفاخ بالمعدة.
  10. تورم اللسان.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق