ماهو التصلب المتعدد، أعراضه وأسبابه؟

التصلب المتعدد

ماهو التصلب المتعدد؟

التصلب المتعدد هو مرض مزمن و ممكن يأثر على المخ، النخاع الشوكي، و أعصاب العين. و ممكن يتسبب في مشاكل في النظر، و التوازن في الحركة، التحكم في العضلات، و مشاكل في الوظائف الأساسية في الجسم. التصلب المتعدد بيحصل لما الجهاز المناعي بيهاجم غشاء الميالين إللي بيحمي الأعصاب، و إللي منغيره الأعصاب بتتهالك.

إيه هي أعراض التصلب المتعدد؟

أعراض التصلب المتعدد ممكن تكون بسيطة و متحتاجش علاج و ممكن تكون شديدة و تؤثر علي الحياة اليومية للمريض، تلف الاعصاب بيمنع وصول الاشارات العصبية بطريقة سليمة للجسم فبيعمل أعراض مختلفة زي:

  1. صعوبة في المشي
  2. الشعور بالتعب
  3. ضعف العضلات و الشد العضلي
  4. ازدواج و ضعف الرؤية
  5. ضعف القدرة الجنسية
  6. تنميل و شكشكة بالأطراف
  7. ألام بالجسم
  8. الشعور بالإكتئاب
  9. مشاكل و صعوبة في التركيز و الذاكرة

الأعراض بتبتدي ما بين سن ال20 ل 40 في صورة نوبات تستمر لفترة و بعدين تختفي، و عند بعض الناس بيبقي مفيش فترات تعافي و المرض بيزيد مع الوقت

إيه سبب التصلب المتعدد؟

سبب المرض مش معروف بالتحديد لغاية النهاردة، لكن بعض العوامل ممكن تتسبب في الاصابة بالتصلب المتعدد، زي التدخين و الاصابة ببعض الامراض الفيروسية اللي بتأثر علي الأعصاب، ده غير ان بعض الناس عندهم جينات و عوامل وراثية ممكن تكون السبب في الاصابة بالمرض ده.

التصلب المتعدد لحد النهاردة ملوش علاج محدد، و التعامل مع المرض هدفه الاساسي تقليل عدد النوبات اللي بتحصل و تخفيف الاعراض عن طريق الادوية و العلاج الطبيعي و التدريبات، و في بعض الاحيان ممكن استعمال الكورتيزون و ادوية بترخي العضلات و مهدئات لتمديد الفترة ما بين نوبات التصلب المتعدد.

و مع ذلك فالابحاث مستمرة للبحث عن علاج ناجح للتصلب المتعدد و التعرف بصورة أوضح علي سبب المرض و علاجه.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق